
تصوير العروسين ليلة الزواج موضوع مزعج ومرهق وضغط نفسي
من ساعتين الى ثلاث والمصوره أعطاء وضعية الوقفه والحركه وتصوير
اكثر من 500 صوره والعريس طفح كيله . وارهق الاثنان في شي لاينفع
وبدون فائده لان العشر صور تغني عن ال 500 .. هذا غير التكلفه الماديه الكبيره .
نسبه كبيره من الشباب ماينتهي التصوير الا وخرج زعلان ومعصب ومحرج
ولا يعترض أما حياءا أو جبر خاطر للعروس ..
نجي للصور ال 500 بعد الزواج وما مصيره ..
وحده تقول لي سنه متزوجه وماشفت الصور ولا مره لاني انشغلت بحياتي
الجديده ..
والثانيه تقول لها سنتين اول سنه مشغوله بحياته الجديده ثم الحمل والولاده وغيره .
الثالثه تقول لها ثلاث سنوات من تزوجت سافرت برا وتركت الصور هنا ..
الرابعه تزوجت وللاسف انفصلت بعد ثلاث شهور طلاق غير ودي واصبحت الصور
ذكرى سيئه ...
الان الى متى هذه الحركه التي وضعت نظامها المصوره وتقبلته العروس بكل مساوءه ؟
يسروا أموركم ييسر الله لكم . تكاليف تدفع لا تستحق الخدمه ...
حادثه لاحد الاخوات تعطينا درسا للثقه بالمصورات ..
البنت صورت زواجها بالقصيم وطلبت الصور ترسلها للرياض مكان
سكنها قالت المصوره اذا استلميها من الاستديو التابع لهم . طلع بالبطحاء
في مكان منزوي . نسائي لكن كلهم اجانب تقول جاني خوف من الدخول
وبعد الدخول من الاشكال اللي شفتها ...
قليل من التفكير والتغيير للافضل ولا نكن امعه نقلد الصالح والطالح ..